कार्तिक १४, सल्यान ।
ईलाका प्रहरी कार्यालय थारमारे सल्यानमा हिरासत कक्षमा बसेका व्यक्तिहरुको अध्ययन प्रयोजनको लागि विभिन्न पुस्तकहरु राखी पुस्तकालय स्थापना गरिएको छ ।
हिरासतमा बसेका व्यक्तिहरुलाई फुर्सदको समय धेरै हुने भएकाले त्यसको सजिलै सदुपयोग होस् भन्ने हेतुले आज सोमबार पुस्तकालय संञ्चालनमा ल्याइएको ईलाका प्रहरी कार्यालय थारमारेका प्रमुख प्रहरी निरीक्षक कनक बहादुर शाहीले बताउनुभएको छ ।
‘अपराधी सधै अपराधी नै नहुने र हाम्रो न्यायप्रणालीले निजहरूलाई सुधार गरि फेरि पनि समाजमा पुनर्स्थापना गराउने, हिरासतमा बसेका व्यक्तिहरुलाई अध्ययन गर्ने बानीको विकास हुने र उनिहरुमा केही सुधार भई हाम्रो हिरासत कक्षबाट केहि सिकेर जाउन भन्ने हेतुले पुस्तकालय संञ्चालनमा ल्याएका हाैं शाहीले भन्नुभयो ।’
प्रकाशित मिति: १४ कार्तिक २०७९, सोमबार १९:५१
