असार ३१, सल्यान ।
पहाडी जिल्ला सल्यानका केही ग्रामीण क्षेत्रमा किसानहरु अहिले कोदो रोप्ने सुरसारमा जुटेका छन् । सल्यानमा प्राय असार र साउन महिनामा कोदो रोप्ने गरिन्छ ।
प्राय चिसो ठाउँमा उत्पादन हुने कोदो कार्तिक र मंसिर महिनामा पाक्ने गर्दछ । कुनै समयको महत्वपूर्ण खाद्यान्न बाली कोदो अहिले शहरी क्षेत्रका लागि मात्र होइन ग्रामिण क्षेत्रका लागि समेत दुर्लभ जस्तै बन्दै गएको छ ।
अहिले कोदो फल्ने बारीहरु बाँझै देखिन्छन् । काम गर्ने जनशक्ति नहुनु, खेताला खोजेर काम लगाए पनि धानको जस्तो मूल्य कोदोले नपाउँदा अहिले कोदो खेती लोप हुँदै गएको र कोदो खेती हराउँदै जान थालेको कृषकहरुको भनाइ छ ।
हेर्नुहोस् सल्यानको बनगाड कुपिण्डे नगरपालिका वडा नं ९ जयतपानि नजिकैको बारीमा कृषकहरुले कोदो खेती गर्दै गरेको भिडिओ :
प्रकाशित मिति: ३१ असार २०७९, शुक्रबार ०८:५५
