चैत १९, सल्यान ।
सल्यानको बागचौर नगरपालिका वडा नं. १ सल्यानमा चैत ३, १० र १७ गते सरस्वती शारदा आ.वि. ठिन्बाङ , त्रिवेणि आ.वि. बजरपाटा र महादेव आ.वि. चौखेमा भएको निशुल्क आँखा जाँच तथा उपचार शिविरबाट ६०९ जनाले सेवा लिएका छ्न् ।
आँखा जाँच तथा उपचार शिविरमा १४२ जनालाई नजिक देखिने चस्मा , २०२ जनालाई आवश्यक औषधि र १९ जनालाई रिफर गरिएको छ ।
बागचौर नगरपालिका वडा नं. १ का वडा अध्यक्ष गंगाराम बस्नेतको अध्यक्षता तथा प्राथमिक आँखा तथा कान उपचार केन्द्र खरिबोटको प्राविधिक सहयोगमा शिविर सम्पन्न भएको हो ।
शिविरको समापन सत्रमा बोल्दै वडा अध्यक्ष गंगाराम बस्नेतले वडाबासीलाई स्थानीय सरकार जनताको नजिकको सरकार भएको अनुभुती दिलाउन आफू लागि परेको र यो शिविर यसैको एउटा रुप भएको बताउनुभयो ।
प्रकाशित मिति: १९ चैत्र २०८०, सोमबार ०७:३९
