असार १५, सल्यान ।
२०औँ राष्ट्रिय धान दिवस आज मनाइँदै छ ।
यो बर्ष ‘जलवायु अनुकूलित कृषकमैत्री प्रविधि : धान उत्पादनमा वृद्धि’ भन्ने मूल नाराका साथ आज २०औँ राष्ट्रिय धान दिवस तथा रोपाइँ महोत्सव देशका विभिन्न भागमा मनाइँदै छ ।
आज असारे भाकामा लोकदोहोरी गाउँदै, हिलो छ्यापाछ्याप गर्दै महोत्सवसको रुपमा धान रोप्ने चलन समेत छ । धान दिवसको अवसरमा आज कर्णाली प्रदेश सरकारले कर्णाली प्रदेशको जुम्ला बाहेकका ९ जिल्लामा समेत सार्वजनिक बिदा दिएको छ ।
यस्तै असार १५ गतेलाई नेपाली समाजमा दही चिउरा खाने पर्वका रूपमा पनि लिइन्छ । कृषिसहित सबै पेशा व्यवसायमा लागेका नेपालीहरुले आज दही चिउरा खाई असार १५ मनाउँछन् ।
तस्बिर : रिजन भण्डारी
प्रकाशित मिति: १५ असार २०८०, शुक्रबार ०८:४९